[شفافية]

دون قصـد تحس معه بـ إرتياح

لـو يغيب بـلا سـبب تشـتاق لـه


وإن حضر صدرك بدأ فيه انشراح

هـو كذا .. بعض البشر ترتـاح لـه

[شفافية]

كل حاجة يا حبيبي

في انتظارك

الوطن والناس

وانا في انتظارك

والطريق العام

والباب الرئيسي

والممر وقبضة السلم

ودارك

[شفافية]

أنا صوتك

إذا مات الكلام

بساعة سكوتك

أنا درّك

ومرجانك وياقوتك

أنا شعري دفا بردك

و كلامي بالشتاء كوتك

بعد هذا تخليني ؟

[شفافية]

أولـه عليك وتحسب إنـي نسـيتك

وشلون أبنسي شمعة القلب والبال


لـو غبت عنـّي فـي عيونـي لقيتك

مثل النظـر للعين فـي كـل الأحـوال

[شفافية]

لك ظروف ولي من العذر الألوف

لا تعاتبنـي .. ولا عنـدي عتـب


أدري إنك غيـر قلبي مـا تشوف

وتدري إنـك بس أنت اللـي أحب

[شفافية]

ياكثر مانـي مندفع لك من الشوق

وياكثر ما نبضي لك احساس فاخر


إنت الغـلا والعشق والعـز والذوق

الحب لك مـن أولــه ليــن الآخـــر

[شفافية]

تعبت أداري الدمــع وأخبّــي

وأحنّ لين الحيـن لـ الماضـي


العقل : راضي بـ ما كتب ربّي

والقلب : لين الحين مو راضـي

[شفافية]

من عيون الكـون خذني للأبد

أحتضني لين ما روحي تذوب


وأوعدك ما يسكن بقلبي أحـد

بس تكفى لايجي منّك غروب

[شفافية]

ما عندي أحد اسأله

اسأل الليل

نذكر بعض للحين

و إلا نسينا

كل ما تذكرتك

و حنيت لك حيل

أقسى على قلبي

و أقول : انتهينا

[شفافية]

شـوف جرحـك سـال دمـه وانقسـم

صرت مدري وين أمشي وين أروح


شـلت جرحـك وفـوق هـــذا أبتسـم

رغـم إنـي ممتلـئ حــزن وجــروح