[شفافية]

صمتـك وراه طعـون وهموم وآهـات

وصمتي وراه دمـوع وظنون وجـروح


عاتبتنـي بسـكات ،، وأقفيت بسـكات

ما قلت لـي ترجع ولا قلت لـي روح

[شفافية]

مــرات ودي بك معــي مثل ظلي

ومرات ودي إنك أقرب مـن الظـل


تبغى الصراحة يا بعد كـل من لـي

وإنتَ معي ما همـني غيبة الكــل

[شفافية]

فـي كـل ليلة حنين أسهـر

و أشتاق لك وإنت ما تدري


ودّي أضمّـك عشـان أطهـر

من كل الأحزان في صدري

[شفافية]

تدرون كيف انسان يجني على انسان

يسـقيــه مــن نبـع الغــلا لين يرويــه


وإذا عــرف إنــه وصـل حالــة ادمــان

يصــد عنـه ويهجــره مــا ســأل فيـه

[شفافية]

جانا الشتاء ...

كل شي في بالي خطر

والوصل مبطـي ناطـره


تسمع؟! ينادينا المطـر

يمكـن كسـرنا خاطـره

[شفافية]

غريب بعض الناس ما يذكر الزيـن

ما يذكر إلاّ الشين لا من زعل منك


ينسى جميل ايام وشهور وسنين

غلطه صغيرة .. عقبها يبتعـد عنك

[شفافية]

هذا خفوقي جاك بالهون ضمّـه

قدّر خفوقٍ جاك .. للحب طلاب


عطه الوفاء يعطيك نبضه ودمّـه

وخـلّ الجفا يازين لا تفك له باب

[شفافية]

إنت الغـلا كـل الغـلا والغـلا إنت

وش هي حياتي ياحياتي بدونك


قدَّام كـل الكــون يـاخلـي أعلنت

قلبـي وعقلـي والمشاعـر يبونك

[البرواز و الصورة]

قلت ذا برقن تكاشف ثم ناض .... و اثر هذا نور خدك و الجبين
عتم بشعرك على صافي البياض .... لأجل نور الشمس للعالم يبين
نورك اصفى نور مافيه اعتراض .... و الكواكب لك جميع مسلمين
يا قمر سبع الجزائر و الرياض .... طينتك مخلوقتن من حور عين

[شفافية]

في بالي الليلة حكي

ويمكن عتب

يحكي تفاصيل التعب

في قلبي المملي صخب

يبكي بكا يسأل عليك

يحن لك ، يوله يبيك

ماودك الليلة تجي ؟

أو آخذ الليلة وأجيك ؟