[شرقي سعد]

ليت حبك خلف ظهري واستدير
واجمـع الأحـــلام في مسيارها
كيف كانت كيف صارت واستخير
واكـســر الأوضـاع في معـيارها

[شفافية]

ما همنـي الدنيا ولا باقـي الناس

ما فيـه غيرك يستطيع احتوائـي


بدونك يكون المساء ما له احساس

قليّ : مسائي أنتي .. ويبدا مسائي

[شفافية]

ما كل شخصٍ تعـــرفه تستشـيره

بعض الأوادم ماورى عرفهم خير


أحدٍ يجي قدره مثـل قدر غيـــره

وأحدٍ يجي مثل الذهب معدنه غير

[شفافية]

أبيك لو إني ما أبي منك حاجة ..

لكن وجودك في حياتي سعادة ..

[شفافية]

أحيان .. ما تلقى كلام و تقوله

تحتاج لـ إنسان يتهجّى عيونك


كـل الحكي لو تبـي ما تطوله

ومنهو يحبك صدق يفهم شجونك

[شفافية]

وش نبي بالخلق لا صرنا معاك

هاك قلبـي واحفظه دامه يبيك


ما يبي غيرك ولا له في سواك

وان بغيت الروح ما تغلى عليك

[شفافية]

يا ليت لي قدرة على طيّ الأيام

وأقدر أعيـد سنين وأقـدّم سنين


ودي أنام الحين وأصحى قبل عام

العام كان أجمل بـ واجد من الحين


أفتقدك بشدة يا ماما ، ولكن أمنيتي لن تتحقق أبداً ..

[البرواز و الصورة]

صحيح شعر حزين لكن جميل و معبر , صح لسانك .

[شفافية]

اقتباس :

المشاركة الأصلية كتبت بواسطة : البرواز و الصورة

 

صحيح شعر حزين لكن جميل و معبر , صح لسانك .

صح بدنك أستاذي الفاضل .. أنت أخ رائع وصادق .. من الأعماق لك امتناني وشكري .

[شفافية]

يـا ليل ما ملّيت مني لـ هاللحين

كم لك على قلبي تثيـر المواجع


ما تنفع الذكرى ولو تبكي العين

اللي خذاه الموت ماهـو بـ راجع