[البرواز و الصورة]

أنت الذي حطيت بالجوف رمحين .... رمح العيون و رمح وردي شفاتك
احب فيك الحب يا جامع ثنين .... الزين و طبوعن تكمل حلاتك

[شفافية]

انت وأنــا نشبـه بعضنــا كثيـــر

مو بالمَلامح أشبهك في عنادك

دايم نكابــر وما نحبّ المعاذيــر

والمشكلـة ما فـاد قلبـي ولا فادك

[شفافية]

لا تشاورني علـى وقت اللقـى

والله ان ودي اشوفك كل حين


غيبتك عن ناظري اكبــر شقـى

والظروف بشوفتك عيّت تزين

[شرقي سعد]

اقتباس :

المشاركة الأصلية كتبت بواسطة : شفافية

 

لا تشاورني علـى وقت اللقـى

والله ان ودي اشوفك كل حين


غيبتك عن ناظري اكبــر شقـى

والظروف بشوفتك عيّت تزين

هنا يكمن مربط الفرس بمعاني حروف قصيدتك التي اوضحث بوابة امتلاك الحب بين الحبيبين .
سلمت قريحتك

[شفافية]

خل الحكي ماعاد لي حاجةٍ فيه

اليوم صار الصمت هو راس مالي

خل اللغة خل الشعــر و المشاريه

وعطنـي غلا بالصدق أول و تالـي

[شرقي سعد]

في خطوة المشوار بالحب ابديه
اليـوم بان الوضـع في كل حالي
يازينة الأوصاف لك شوق ابكيه
انتي مناة القلب عشقي ومالي

[شفافية]

وش يقول اللي تعود يلتقيـك
يوم عمره مالقى عقبك غـلا

مـاقـدر فـي بعدك إلا يحتريـك
وماعرف في غيبتك غير الوله

كـم تمنـى بالوفـا لو يحتويـك
فـي خفوق باصدق الود امتلا

لـوبيدينـه يقــدر بنفسه يجيـك
مـا يحول الوقت دونه والمــلا

[شرقي سعد]

حضري لي عمــر ياعمري بجيك × واطبخـي لي اكل من رمسة غلاء
قربــي لي تمـــر ياروحـي بيديك × واسكـبي لي كيف مع قطعـة حلاء

[شفافية]

من قدم المعـروف يستــاهل الطيب
ساس البدو بالعــز والطيب وافين

من يجحد المعروف في سلمنا عيب
هــذي مبادينا لهـا دهـــور وسنين

[شرقي سعد]

من شاف ذالعالـم بدأ ضنه يخـيب
وجـربت صدق القلب فيما تقولين
ماعاش بالدنيا رجل يفعل الطيب
وفسرت نوع الوضع مهما تحولين