[شفافية]

تبسَّم يا بعد عمري .. يضيق الكون من حولي إذا شفت الحزن يغشاك وهمَّـك لـيلـة الــبـارح يكـفِّي ماخذك عـنِّـي وش اللي زعَّـلك عمري عساني فدوةٍ لـرضاك وش اللي كـدَّر الخاطر عسى ماهو خطا منِّـي تركت القلب في حيره عجزت افهم سبب مسراك سرحت بـهاجس افكاري سهام الـشك تطـعنِّـي تموت الفرحه في عيني أذا اطريت لي فرقاك لأنـي فـ بعدك اتألم وحزن الكـون يسكـنِّـي نزفت الجرح لـعيونك ودمعٍ غاليٍ يفداك ولـبست من الحزن ثوبٍ نقشت بداخله فنِّـي حبيبي بهـجة ايامي تـعال ومـدّ لي يمناك وثقت فـ حبك الغالي وابد ماخاب بك ضنِّي اناجي بالغلا روحك وصوتٍ من وله ناداك أبسمع أصدق إحساسٍ عشقته من صغر سنِّي تبسَّم يا بعد عمري عسى الفرحه تجي دنياك تبسَّم تـضحك عيوني وعصافير الهوى تـغـنِّي سبـحان الذي ابعد جميع الخلق لي وادناك عرفت أن الهوى قسمه وربي فيك فاتنِّي