[قطري]

بسم الله الرحمن الرحيم

السلام عليكم ورحمه الله وبركاته

عندي فكره عمل جمعيه

اللي ما يعرف الجمعيه ، هي ان كل واحد يحط مبلغ معين وكل شهر يعطونه واحد على حسب الترتيب

المبلغ الاجمالي راح يكون على حسب عدد الناس اللي ودهم يشاركون

انتظر تعليقاتكم واقتراحاتكم ومشاركتكم في الجمعيه .....

[البرواز و الصورة]

أخ قطري لا تكون بس ماكل من الكتشب اللي انشرو عنه امس أنه مخلوط بالكحول ؟ صراحة ما اعتقد أنك قطري لان القطريين ماعندهم حركات النصب و الاحتيال هذي اللي تقول عنها ؟ يعني بالله عليك اشلون ناس ما تعرف بعض تعمل جمعية ؟ و أنا واحد مستحيل اشارك في هذي الجمعية لانه ببساطة مش مرتاح لك و احس أنك بلشتي و نصاب .

[قطري]

اقتباس :

المشاركة الأصلية كتبت بواسطة : البرواز و الصورة

 

أخ قطري لا تكون بس ماكل من الكتشب اللي انشرو عنة امس أنة مخلوط بالكحول ؟ صراحة ما اعتقد أنك قطري لان القطريين ماعندهم حركات النصب و الاحتيال هذي اللي تقول عنها ؟ يعني بالله عليك اشلون ناس ما تعرف بعض تعمل جمعية ؟ و أنا واحد مستحيل اشارك في هذي الجمعية لانه ببساطة مش مرتاح لك و احس أنك بلشتي و نصاب .

هههههههـ ، يا اخوي اول شيء راجع الفاظك واوزن كلامك ،

واسلوب التهجم ما يفيد ، انا طرحت فكره عجبتك كان بها ، ما اعجبتك رد على الموضوع نفسه

ولا تدخل في شخصي ، ثانيا شدخل حركات نصب ما حركات نصب ، والله اللي بيشاركون لاظمن حقوقهم قبل حقي

حنا عيال ناس ونعرف العدله وما نرضى ناكل حقوق الناس ، وبعدين تقول ناس ما تعرف بعض ، احنا اذا جمعنا عدد راح نسوي

جروب ونتعرف على بعض اكثر وكل واحد وين ساكن وطريقه التسليم وكل شيء ، معاك حق في هالنقطه لكنك ما صبرت ، واذا ما تبي

تشارك الله يستر عليك ، في غيرك محتاجين مبلغ وما ودهم يسحبون سلفيه ، وعلى اخر كلمه قلتها ( نصاب ) باقتص منك عليها يوم

القيامه امام الله ، الا ان تعتذر ، سلام .....

[البرواز و الصورة]

لا بلاه غير اعتذر منك أخي الكريم و مافيه داعي تقتص مني يوم القيامة , و ين طلعت لي ؟ مبين ما شاء الله انك لوتي و لسانك ايلوط اذانك و ما اقدر اخذ منك حق و لا باطل . عموما" ردك مقنع و موفق أن شاء الله بس لا احد ينسانا من المكاتيب اذا انجحت الفكرة .

[قطري]

اقتباس :

المشاركة الأصلية كتبت بواسطة : البرواز و الصورة

 

لا بلاة غير اعتذر منك أخي الكريم و مافية داعي تقتص مني يوم القيامة , و ين طلعت لي ؟ مبين ما شاء الله انك لوتي و لسانك ايلوط اذانك و ما اقدر اخذ منك حق و لا باطل . عموما" ردك مقنع و موفق أن شاء الله بس لا احد ينسانا من المكاتيب اذا انجحت الفكرة .

ههههههـ شفت الصجيه ، اعتذارك مقبول واسأل الله ان يعفو عنك

من طريقه كلامك شكلك انسان مزوح وتقط الكلمه وانت ما تفتكر ....

[عبدالله بن الشيخ]

من الصعب ان تدخل جمعية من غير لا تعرف أصحابها منهم ومن يكونون أسمح لي أقول الأن في هذا الزمن الثقة معدومة

هذا رأيي