[شفافية]

اقتباس :

صراحة من مكوناته ما أعتقد له فائدة صحية , شوفي كيف يعملونه في اليوتيوب , صراحة شي منفر , عبارة عن كوب وسطة دهن و يكسر فيه بيضة نيئة و يخلطون مع بعض بواسطة خلاط حتى يطلع بهذا الشكل . أنا مع استخداماتة الخارجية لكن مع الأكل أنا ضدة 100 % . جربي بدله السلطة الشيرازية شي عجيب مع الرز , وصفتها موجودة بالنت و هذي صورتها .

أستاذ برواز ..

أنا أتفق معك 100% بالنسبة للأكل لأنها ترفع نسبة الكلوسترول في الدم

وكنت باكتب تعليق وأقول رأيي بس هاذي المعلومة عن الفوائد أخذتها من موقع طبي

إحنا في البيت ما نحبها لأن ماما تحب الأكل الصحي وتقول إنها فيها نسبة عالية من الدهون

وحتى الماجي والأندومي ماما ما تسمح ناكله وأي شي تشوفه مو صحي زي الشيبسات

وبالنسبة للسلطة الشيرازية هاذي حبيبة ماما كل يوم على الغدا أو العشاء

طبق مقبلات رئيسي وممكن معه نوع ثاني وحتى طريقتها سهلة وكل الناس بتسويها

أما المايونيز بصراحة نشتريها عشان نسويها ماسك للشعر مرررا رهييييبة

انا أعملها مع زيت السمسم اللي من المعصرة لأن زيت الخروع ثقيل

تعطي الشعر لمعان وشكل صحي ، ولاحظت إنها تطول الشعر بسرعة

ما شاء الله قبل ستة شهور قصيت شعري تحت الكتف بشوي

والحين ماشاء الله طويل بس مو مثل البنت اللي في الصورة تحت !!

والله الكل يقول وش تحطين لشعرك عشان يلمع ويطول بسرعة

ويوم أعلمهم الوصفة يستغربون يقولون مايونيز ؟!!

والله احسن من الماسك اللي يبيعونه مفعولها سريع انصح البنات يستعملونها

وبعد الغسل وقبل ما ينشف الشعر وهو رطب بخروه بعود اصلي ،

او حطوا خمرية مخصصة لتعطير الشعر

جربوها وشوفوا النتيجة الرهيييبة مجربتها أنا

شكراً أستاذ على مرورك وتعليقك