[شفافية]

اقتباس :

المشاركة الأصلية كتبت بواسطة : شرقي سعد

 

تعبت وخضت كيف وكيف
وطـريـق اشـواك يوديني
بكيـت وتهت بنت السيف
وظــروفي بحضـر يطويني
بقيتي في عيـوني طيف
وعجـــزت اصلك ياعيني
انا عـرقــي دواسـر هيف
وشيــخ البـرك كاسيـني
سعد اسمة وجده صيف
ويحــــرق مـــن يعاديـني
ابي تدعيــن لي تخـفيف
اشــــوف الله مغـنـيــنـي
واجي لك دون اي تخريف
وتكوني الحب في يديني
شرقي سعد

هلا بك فـي ضيافة سيــف

وحــولـك ورد ورياحينــي



أبويـــا لا لفــاه الضيــف

سـحابــة خيـر ومزونــي


حضورك عندنا تشريــف

ومكــانك داخـل اعيونــي


وتشــرب قهوتــك بالكيـف

وحـق الضيـف ما يهونـي


ونسـأل ربـنــا التخفيــف

ويجمـــع بينـــك وبينـــي


فداك شفافـة بنت السيـف

سموحة وابيـك تصافينـي


الشاعرة شفافية / نجمة القطرية