[شفافية]

واقف على الأطلال




حبيبــي وينـك سرى الليل ناطـرك

واقف علــى الأطـلال و أقـول وينـك


أكتب جـزيــل الشعر حرفن يسامرك

و استرجـع اللحظــات بينـي وبينـك


أقرى قصيـدي فيك وأقـرى خواطـرك

واقــول يــا قلب العنــا اللـه يعينــك


أنت دفــا وأنفاس وإحساس شاعرك

وأجمـل سنينه عاشـها مـع سنينك


دامه هواك العذب و أصدق مشاعرك

ودامــه حـيـاة ونــور قلبك و عينـك


الليل لا يسـري على قـلب شاعرك

والناس لا توقف مــا بينــي وبينــك


لـو تسـمع الناس بيضيـق خاطــرك

أكبــر قهــر للـنـاس حسـنك و زينـك


والمشكلـة يـا ساكن القلب خـابـرك

لـو مـا ذبحـك الشـوق جابـك حنينك


صـوتك مطر و الموت لا هـلّ مـاطـرك

إسمـي يذوب إن مــرّ فـي شفتيـنك


العطر أنفاسك و المسافات ناظـرك

والشمس يشرق نورها من جبينك


جامعك فـي حدب المحاني وناثـرك

وقلبــي رميته وسط راحــة يمينــك


أهـم مـن ماضيـك يا زيـن حاضــرك

وأهـم مـن صــوتـك لمســة يدينــك